කියවමු විදිමු - ජීවිතය ජයගමු

සිප්සවිය පදනම මගින් "කියවමු විදිමු - ජීවිතය ජයගමු" තේමාව කර ගනිමින් සංවිධානය කල කොට්ඨාසයේ අඩු පුස්තකාල පහසුකම් සහිත පාසලකට පුස්තකාල පොත් පරිත්‍යාග කිරීමේ වැඩසටහන මදුල්ල මහා විද්‍යාලයේදී ප්‍රාදේශීය ලේකම්තුමාගේ ප්‍රදානත්වයෙන් හා සහකාර ප්‍රාදේශීය ලේකම්තුමියගේ හා කුලියාපිටිය බටහිර සහකාර ප්‍රාදේශීය ලේකම්තුමියගේ සහභාගීත්වයෙන් පැවැත්විණි.

එහිදි සහකාර ප්‍රාදේශීය ලේකම් ධරණි උපේකා වීරසේකර මහත්මිය විසින් රචිත යෞවන සම්මාන තෙවන ස්ථානය දිනාගත් “බර්මියුඩාවෙන් විශ්වයට” යොවුන් විද්‍යා ප්‍රබන්ධයේ සහ ගොඩගේ සම්මාන සඳහා නිර්දේශ වූ “Fears and Tears” ඉංග්‍රීසි නවකතාවේ පිටපත් සහ ග්‍රාම නිලධාරි ගයාන් මාරසිංහ මහතා විසින් රචිත පඬුවස්නුවර චක්‍රාවාලය නොහොත් එක්ටැම්ගෙය හා ඒ ආශ්‍රිත නටඹුන්, පඬුවස්නුවර විහාර ආරාම සංකීර්ණ, පඬුවස්නුවර රජමාළිගය හා පඬුවස්නුවර ගමක වතගොත යන ග්‍රන්ථ පාසල වෙත පරිත්‍යාග කිරීම, සියලුම දරුවන් වෙනුවෙන් පොත් සලකුණක් ප්‍රධානය කිරීම සහ පාසල් ගෙවත්ත සදහා පලතුරු පැල ලබා දීම සිදු කරන ලදී.

පාසැල් සිසු සිසුවියන් විසින් ඉදිරිපත් කල නැටුම් ගැයුම් අංගයන්ගෙන් උත්සවය වර්ණවත් විය.

77 වන නිදහස් දින සැමරුම

77 වන නිදහස් දිනය අභිමානයෙන් සැමරේ.

පඬුවස්නුවර බටහිර ප්‍රාදේශීය ලේකම් කොට්ඨාශයේ ප්‍රධාන නිදහස් දින සැමරුම 2025.02.04 වන දින ඇපලදෙණිය ශ්‍රී සුදර්ශනාරාම විහාරස්ථානයේදී ප්‍රාදේශීය ලේකම් නුවන් තිලකරත්න මහතාගේ ප්‍රධානත්වයෙන් අභිමානයෙන් සමරනු ලැබීය. ප්‍රාථමික පාසල් දරුවන් විසින් රුක් රෝපණ වැඩසටහනක් සහ චිත්‍ර ප්‍රදර්ශනයක් ද සංවිධානය කරන ලදී.

ජාතික ඵලදායිතා සම්මාන උලෙළ 2020

ජාතික ඵලදායිතා සම්මාන උලෙළ 2020

2020 ජාතික ඵලදායිතා සම්මාන උළෙලේ අන්තර් ප්‍රාදේශීය ලේකම් කොට්ඨාශ කාණ්ඩය යටතේ තෙවන ස්ථානය පඩුවස්නුවර බටහිර ප්‍රාදේශීය ලේකම් කොට්ඨාශයට හිමි විය.2020 ජාතික ඵලදායිතා සම්මාන උළෙලේ අන්තර් ප්‍රාදේශීය ලේකම් කොට්ඨාශ කාණ්ඩය යටතේ තෙවන ස්ථානය පඩුවස්නුවර බටහිර ප්‍රාදේශීය ලේකම් කොට්ඨාශයට හිමි විය.මෙම ගමන සාර්ථක කර ගැනීමට දායක වූ සැමට උණුසුම් සුභ පැතුම්.